L’ORGHEN DE BAGG

“Va’ a Bagg a sonà l’orghen!”

Me disen sempre i amis

Inscì ona volta

El tram de Bagg ho ciapà

Per ‘nà a sonà l’orghen….

E  seri tutt agità

E quand sont arivà

In de la gesa de Bagg

Ho cercà subit

Quell’orghen de sonà

Ma el trovavi minga…..

E seri tutt incazà

Go ditt inscì al sacrista:

“Che’l vegna scià per piasè,

Mi voeuri sonà l’orghen,

Che me le faga vidè”

E con la scoa el segna

Na gran pitura sul mur

E anca on cereghet

Che l’era lì a pregà

El me rid in facia

E poeu ‘l fa: “L’è quel là”

E ho vist che l’orghen l’era

Domà sul mur piturà

Inscì sont vegnù via

Con giò ona piva de strascc

“Andè vialter!

A sonà l’orghen a Bagg”

Perché mi oramai

Mi sont restà già sonà